एक क्षण हवा हवासा !

एक क्षण हवा हवासा,

मनातील सुप्त भावना अलगद उलगडणारा,

जराशीही ठेच लागताच मायेनी हात पकडणारा,

अशक्य असं वाटणाऱ्या संवेदनांना एका क्षणात आपलंसं करणारा,

फक्त शब्दच नव्हे तर अबोलाही समजणारा,

आणि हास्यालाच नव्हे तर आसवांनाही न डगमगणारा.

एन उमेदीच्या काळात पाय जमीनीत घट्ट रोवून धरणारा,

एकट्यात कधीही साथ न सोडणारा.

फक्त माझ्यासाठीच असा असलेला तो सहवास.

अचानक आनंद देऊन जाणारा असा एक सुखद आभास.